分享：點解要用粵文?

【我哋需要一場粵語新文化運動】 (輔仁媒體, 2014 年 3 月 4 日) [Click]

呢一篇短短既文章討論左好多題材，以下係佢主要既幾個論點：

• 因為以下各種原因，我地唔應該歧視白話文（即粵文）：

• 歷史論證: 白話文有好悠久既歷史(五四運動時已有人推行白話文)。我哋宜家以北方官話用為「書面語」，實係基於當時政治發展所影響。

• 語言學論證I: 係語言學既角度（如文法、用詞）分析，係睇唔出白話文同一般大路語文(如英語、德語）有咩分別。

• 實用主義論證:用白話文，可以令粵語用者更準確地表達自己。唔俾人用自己語言去表達自己，唔多唔少係違反自然。
• 語言學論證II:因為語言一般既文法同用字都係約定俗成，所以話白話文「冇自己既字」而棄用白話文既論證唔成立。

(相片來源: learningtree.files.wordpress.com)

其實呢篇文章本來主要係想鼓勵香港發展一場粵語新文化運動，但係對我來講最有趣係佢用語言學既論據黎支持佢個論點。有呢啲咁實在既證據支持，我哋仲有咩原因去話粵語「只係一種dialect, 唔係language」?　

（引述語言學家 Max Weinreich，佢有一句，"a language is a dialect with an army and navy." 粵語冇一個有實力既「代表國」，受到抹平其實唔係好出奇。不過，可以見得語言同俗語/方言既分別係好隨意，好arbitrary。)

除左可以話發展粵文「非常之唔經濟·、好多餘」同埋「有違大中華思想」之外，我實在唔係好諗到有咩其他好少少既原因去反對發展粵文。況且，以上兩個原因都冇咩說服力。

呢篇文章既論證同idea 都幾值得研究，特此分享下。